CABADES

CABADES

Rex Persarum electus, Perozâ exstinctô cum omni fere exercitu, frattem huius Valam excepit. Hic unius uxoris pertaesus, lascivô impetu in vagum raptus concubitum, omnibus subiectis suis communionem mulierum indulsit. Hinc regnô pulsus, uxoris suae fidelitate e vinculis iterum liber, in thronum quem interea Lamases occupaverat, rediit. Saevus in Christianos, donec, inventô thesaurô in aroe prius daemonibus infestâ, illis pacem dedit. Mavichaeos, qui illô deturbatô, silium eius Regem creatum ibant, crudeliter habuit. Cum Anastasio Imperatore bellum gessic, quod sub Iustino ad tempus compositum. A Iustiniano I. tandem, per Bellisarium, saepius victus. Obiit A. C. 532. regui 41. Agathias l. 4. Procop. de Bell. Pers. Niceph. Hist. Miscell. l. 16. c. 15. Successit ei Cosroes I.